Дүниежүзіндегі теміржол саласындағы ең дамыған елдердің бірі Қытайда темір жолдармен сағатына 500 шақырымнан асатын жаңа «Қылыш» пойызының құрылысы аяқталды. Қытайда жасалған пойыз бірнеше айдан кейін сынақ сапарларын бастайтыны айтылған.
Қытайдың ресми Синьхуа агенттігінің жаңалықтарында Қытайдың темір жолдармен сағатына 500 шақырымнан асатын пойыз жобалағаны хабарланды. Елдің солтүстігіндегі Циндао қаласында орналасқан CSR Corp. Ltd компаниясы Қытайдың ежелгі семсеріне негізделген пойыздың сынақ сапарларын бірнеше айдан кейін бастайтыны айтылған.
Жаңалықтарда Қытайдың ең ірі пойыз өндірушісі CSR Corp. ЖШС құрастырған CRH380A үлгілі пойызының жылдамдығымен қатар оның технологиялық жабдықталуы мен жолаушыларды тасымалдау қабілетінің артуына назар аударылды. Қылыш пішінінде жасалған пойыздың корпусында пластик материал қолданылғаны айтылды.
Қытайдың теміржол көлігінде жеткен технологиялық деңгейінің ең маңызды көрсеткіштерінің бірі елдің астанасы Бейжің мен Шанхай қаржы орталығы арасында өтетін «Gaotie» деп те аталатын «Келесі ұрпақ бейбітшілігі» сериясы. CRH380A Gaotie пойызы Қытайдың солтүстігіндегі Заоцжуан қаласы мен оңтүстіктегі Бинбу қаласы арасындағы сынақтарда сағатына 486.1 шақырым жылдамдыққа жетіп, әлемдік рекордты жаңартты.
Қытайдағы жалпы ұзындығы 90 мың шақырым болатын теміржол желісі 2020 жылы ашылатын жаңа желілермен 100 мың шақырымға жетеді деп болжануда.
Дереккөз: CIHAN
Бірінші болып пікір айтыңыз