Францияда пойыз рельстен шығып кетті: 2 адам қаза тапты Францияда Альпі аймағында пойыз рельстен шығып кетті. Алдын ала мәлімет бойынша, қаза тапқандар мен жараланғандар бар. Оқиға орнынан алғашқы суреттерді алдық.
Францияның Альп-де-Хаут-Прованс аймағында бүгін таңертең пойыз рельстен шығып кетті. Францияның оңтүстігіндегі Альпі тауларында орын алған апатта пойыздың неліктен таулы аймақта рельстен шығып кеткені әлі анықталған жоқ. Оқиға орнына алғаш жеткен өрт сөндірушілердің анықтауы бойынша, апаттан 2 адам қаза тауып, 7 адам жарақат алған. Рельстен шығып кеткен пойыз француздардың сүйікті демалыс қаласы Ниццадан Динь-ле-Бен қаласына бет алғаны айтылды. Пойызда қалып қойған жолаушыларды құтқару операциясы жалғасуда. Өрт сөндірушілердің бірінші бейресми апат туралы есебінде рельске құлаған тас бірінші вагонды рельстен шығарып жібергені айтылған.
Бірінші болып пікір айтыңыз