Батыс Африкадағы теміржол жобасына жасалған қадам

Батыс Африкадағы теміржол жобасы үшін жасалған қадам: Бенин астанасы Котону мен Нигер астанасы Ниамей арасындағы желі үшін жұмыс басталды.

Батыс Африкадағы 5 елді біріктіретін жоба аясында Бенин мен Нигерді байланыстыратын теміржол желісін кеңейту жұмыстары басталды.

Нигер астанасы Ниамейде алдыңғы күні Нигер, Бенин және Того мемлекет басшылары Бениннің Параку қаласы мен Ниамей арасындағы жаңа теміржол құрылысының іргетасын қалаған болатын. Кеше мемлекет басшылары Бенин астанасын Котону мен Ниамейді байланыстыратын ұзындығы 1050 шақырымды құрайтын Котону-Параку желісінің учаскесінде жұмысқа кірісті.

Нигер президенті Исуфу Махамаду екі елді байланыстыратын бұл тарихи оқиға барлық нигериялықтарды қуантады деп сенетінін айтты.

Теміржол құрылысы жобасы 2013 жылдың қарашасында француздық Bollore компаниясына берілді. Бенин-Нигер жобасы 24 айда аяқталады деп жоспарланған.

Бүкіл жоба аяқталғаннан кейін Батыс Африкадағы 5 қала (Абиджан (Ивуар), Ниамей (Нигер), Уагадугу (Буркина-Фасо), Котону (Бенин) және Ломе (Того)) қосылады.