Иранда салынған жаңа теміржол ТМД және Ресеймен сауданы жылдамдатады: 20 күннен кейін Иранда Горган-Инже Бурун темір жолы ашылады.
Жаңа халықаралық көлік бағытының ашылуымен Ресей мен ТМД елдерінен Парсы шығанағына дейін тасымалдау уақыты айтарлықтай қысқарып, өңіраралық тауар айналымының көлемі артады.
ИТАР-ТАСС агенттігінің хабарлауынша, Иран мемлекеттік темір жол әкімшілігінің директоры Мохсинпур Агаи жаңа теміржолдың өткізу қабілетінің жылына кемінде 8 миллион тонна болатынын мәлімдеді. Сауда көлемі одан әрі ұлғайған жағдайда қуатты электровоздарды пайдалануға болатындай етіп темір жолды электрлендіру жоспарланып отырғанын айтты.
Иран арқылы өтетін темір жолдың жалпы ұзындығы небәрі 82 шақырымды құрайды, бірақ оның маңыздылығы мен экономикалық ерекшелігі «Солтүстік-Оңтүстік» атауын алған трансконтиненталдық темір жолдың бір бөлігі болып табылады. «Солтүстік-Оңтүстік» темір жолының 700 шақырымы Түркіменстан, 120 шақырымы Қазақстан арқылы өтеді.
Бірінші болып пікір айтыңыз