Қалың қар Мәскеу әуежайларына әсер етті: Ресейдің астанасы Мәскеуде жауған қарға байланысты әуежайлардағы кейбір рейстер тоқтатылып, кейінге шегерілді. Мәскеудің 3 әуежайында 80-нен астам рейс кейінге шегеріліп, 12 рейс тоқтатылды.
Жаңа жыл мерекесінен кейін үйлеріне қайтуға тырысқан отандық және шетелдік азаматтарға рейстердегі үзіліс кері әсер етті. «Интерфакс» агенттігінің хабарлауынша, ұшу-қону жолақтарын тазарту және ұшақтарды мұздануға қарсы жууға байланысты рейстерді жүйелі түрде орындау мүмкін болмады. Қону және ұшу кезінде әрбір әуе кемесі үшін қосымша 15 минуттық дайындық процедуралары орындалды.
Домодедово әуежайында 43 рейс кейінге шегерілсе, 12 рейс те тоқтатылды. Ауа райының қолайсыздығынан Внукова әуежайында 9 рейс және Шереметьево әуежайында 28 рейс кейінге шегерілді. Апта ішінде минус 20-дан жоғары салқындық байқалған Мәскеуде демалыс күндері ауа температурасы плюс 1 градусқа дейін көтерілді. Алайда жел мен қалың қар өмірге кері әсерін тигізді.
12 қаңтарда жұмысқа кірісетін мәскеуліктердің алдын алу үшін әртүрлі көлемдегі 15 мың қарда жүретін көлік пен 4 мың жүк көлігі кезекшілікте тұр. Сейсенбі күні қар азайса, ауа температурасы плюс 2-3 градусқа дейін көтеріледі. Түнде минус 4-9 градусқа дейін салқын болады деп күтілуде. Апта соңына дейін қар жауады деп күтілмейді.
Бірінші болып пікір айтыңыз