Бұл елде әйелдерге арналған метро мен аялдамалар бар: Әлемдегі ең қауіпсіз екінші ел Тайваньда әйелдерді қудалау мен зорлық-зомбылықтың алдын алу үшін әйелдерге арналған метро мен автобус күту орындары бар. Әйелдерге арналған күту орындарына ерлердің, әсіресе сағат 22:00-ден кейін кіруіне тыйым салынады.
Түркияның Мерсин қаласындағы Чаг университетінің өнер және ғылым факультеті психология бөлімінің бірінші курс студенті Өзгеджан Асланның басынан өткен қайғылы оқиғадан кейін әйелдерге қатысты зорлық-зомбылық пен қудалаудың алдын алу үшін атқарылатын істер қайта көтерілді. Әлемдегі ең қауіпсіз елдердің бірі Тайваньда қоғамдық көліктерде мұндай келеңсіздіктердің алдын алу үшін көптеген шаралар жылдар бойы жүзеге асырылып келеді.
Арал елінің астанасы Тайбэйде қалалық автобустар қудалау кезінде қолданылатын ысқырықтар мен түймелермен жабдықталған. Полиция бөлімшелерімен тікелей байланысты түймелер қудалау жағдайларын азайтуда маңызды рөл атқарады. Автобустардан бөлек, елдегі келеңсіздіктердің алдын алу мақсатында метрополитенде қолға алынған шаралар да назар аудартады. Түнгі келеңсіздіктердің жиілеп кетуіне байланысты метро станцияларында әйелдер үшін арнайы күту алаңдары жасалған. Ерлерге 22:00-ден кейін көк сызықпен белгіленген аумаққа кіруге болмайды.
ӘЙЕЛ ТАКСИ ОПЦИЯСЫ
Қоғамдық көліктерден басқа, аралдағы таксилерде кейбір сақтық шаралары қабылданды. Әсіресе әйел тұтынушылар такси шақырған кезде жүргізушінің әйел болуын талап ете алады.
Екінші жағынан, аралдың барлық дерлік көшесінде қауіпсіздік камералары мен жасырын камералар бар.
Билік бұл шаралардың арқасында әйелдерді қудалау айтарлықтай азайғанын айтады.
Бірінші болып пікір айтыңыз