Израильдің Батыс жағалауды Иерусалиммен байланыстыратын трамвай жобасын мақұлдау

Израильдің Батыс Шерия мен Иерусалимді байланыстыратын трамвай жобасын мақұлдау: Израиль көлік министрі Катц Батыс Шериядағы еврей елді мекендерін Иерусалимге байланыстыратын трамвай желісі жобасының мақұлданғанын хабарлады.
Израиль көлік министрі Йизраэль Кацтың Батыс Шериядағы еврей елді мекендерін Иерусалиммен байланыстыратын трамвай желісі жобасын мақұлдағаны хабарланды.
Израильде 2-канал телеарнасының хабарына қарағанда, көлік министрі Катц баспасөз мәлімдемесінде Батыс Шериядағы еврей елді мекендерін Иерусалимге байланыстыру үшін Шығыс Иерусалимнен өтетін трамвай желісінің салынатынын білдірді.
Иерусалимді біртұтас бөлік ретінде көретінін айтқан Катц Иерусалимнің Жасыл сызықтың артындағы (Батыс жағалаудағы) елді мекендермен біріктірілуіне негізделген ұлы Иерусалим жобасына назар аударды.
Катц аталған жобамен израильдіктерге Жасыл сызықтың сыртында және ішінде тең көлік мүмкіндіктерін қамтамасыз етуді мақсат еткендерін айтты.
Yedioth Ahronoth газетінің хабарына қарағанда, Израиль көлік министрі Катц Тель-Авивтегі метро желісін Шығыс Иерусалимдегі әл-Ақса мешітінің батысындағы Бурак қабырғасы орналасқан аймаққа дейін ұзартуға бұйрық берді. Хабарда «Ұзындығы 56 шақырымды құрайтын жобамен туристерге, студенттерге және азаматтарға Батыс қабырғаға тікелей қатынау қамтамасыз етіледі» делінген.
ЮНЕСКО Атқарушы кеңесі Израильдің шамамен екі апта бұрын Шығыс Иерусалимдегі Бурак қабырғасы аймағына жету үшін аспалы жол салу туралы шешімін айыптады.