Италияда рельс үстінде селфи жасаған бала пойыздың астына құлап қалды: Италияда достарымен рельс үстінде ұялы телефонымен селфи жасағысы келген бала пойыздың астында қалды.
Елдің оңтүстігіндегі Катанзаро қаласында 3 баланың селфи жасауға құмарлығы қайғылы оқиғаға ұласты. Ел баспасөзіндегі хабарларға қарағанда, 13 жасар Леонардо Селия пойыз жақындап келе жатқанда, Соверато станциясының жанындағы рельсте екі досымен селфи жасап, әлеуметтік желіде бөліскісі келген. Алайда, бұл кезде Таранто-Реджо-Калабрия экспедициясын жасап келе жатқан пойыз Леонардо Селияға соғылып, оны 10 метрдей сүйреп әкеткен. Селияның оқиға орнында қайтыс болғаны, ал қалған екі баланың өзін құтқарып қалғаны айтылды.
Оқиғаны көзіне жас алып айтып берген машинист балаларды байқаған бойда пойызды тоқтатуға көп күш салғанын айтқаны жазылған. Оқиғадан есеңгіреп қалған екі баланың оқиға орнынан қашып кеткені, кейін оларды полиция қызметкерлері үйінен тауып алып, арыздарын алу үшін отбасымен бірге полиция бөлімшесіне жеткізгені хабарланды.
Бірінші болып пікір айтыңыз