Мерсінде қоғамдық көлікті пайдаланатын адамдар саны 50 пайызға азайды

Түркияда коронавирус індетінің қауіп төндіретіні жарияланғаннан кейін азаматтарға «Үйде бол» деген үндеу жасалды.

Мерсин қалалық муниципалитетінің көлік департаменті муниципалды автобустардан жинаған статистикалық ақпарат Мерсин тұрғындарының «үйде бол» үндеуіне негізінен сәйкес келетінін көрсетеді. Статистикаға сүйенсек, 60-65 жас аралығындағы жолаушылар саны да, жалпы жолаушылар саны да екі есеге азайған.

9 наурыз бен 12 наурыз аралығында Мерсиндегі муниципалды автобустар 476 мың 273 жолаушыны тасымалдады. 16 наурыз бен 19 наурыз аралығында қалалық автобустармен қатынайтындар саны 212 мың 245 адамға дейін азайды.

«Үйде бол» қоңырауларының әсерінен 60-65 жас аралығындағы жолаушылар саны күн санап азайып бара жатқанын қалалық автобус статистикасынан көруге болады. 16 наурызда 60-65 жас аралығындағы 2 мың 815 жолаушы күндіз муниципалдық автобустарды пайдаланды. Бұл сан 17 наурызда 1783 адамға, 18 наурызда 1691 адамға, 19 наурызда 1395 адамға азайды.