Мәдениет және туризм министрлігі осы жылдың желтоқсан айына дейін Түркияға 14 миллион 486 мың 632 адамның барғанын хабарлады.
Министрлік жасаған мәлімдемеге қарағанда биылғы жылдың қаңтар-қараша кезеңінде Түркияға 12 миллион 34 мың 883 шетелдік қонақ келген.
Қаңтар-қыркүйек аралығында Түркияға келген шетелде тұратын 2 миллион 451 мың 749 адамның қосылуымен биылғы жылдың 11 айында келушілер саны 14 миллион 486 мың 632-ге жетті.
Дүниежүзіне әсер еткен жаңа типтегі коронавирус (Ковид-19) індетіне байланысты биыл Түркияға келген шетелдік келушілер саны өткен жылдың 11 айлық кезеңімен салыстырғанда 71,95 пайызға азайған.
Қаңтар-қараша кезеңінде Түркияға ең көп қонақ жіберген ел 2 миллион 38 мың 380 адаммен Ресей Федерациясы болды. Дәл осы кезеңде Болгариядан 1 миллион 140 мың 739, Германиядан 1 миллион 71 мың 782 адам келді. Ең көп келушілерді жіберген елдердің рейтингінде Германиядан кейін Украина мен Англия тұр.
Қараша деректері
Қараша айында Түркияға келушілер саны өткен жылдың сәйкес айымен салыстырғанда 61,93 пайыз азайды. Түркия қараша айында 883 мың 991 шетелдік қонақты қабылдады.
2020 жылдың қараша айында ең көп турист жіберген елдер рейтингінде 143 мың 269 адаммен Болгария бірінші, Ресей Федерациясы 127 мың 116 адаммен екінші, Ирак 48 мың 748 адаммен үшінші орында. Ирактан кейін Украина мен Германия келді.
Бірінші болып пікір айтыңыз