Қытай мен Моңғолия арасындағы құрлықтағы ең ірі шекара өткелі Еренхот станциясы арқылы өтетін Қытай-Еуропа жүк пойыздарының саны биылғы жылдың басынан бері 300-ден асты. Осы шекара қақпасы арқылы 317 жүк пойызы мен 32 344 «алты фут» (33,2 текше метр) контейнерлер жүк тасымалдады. Бұл өткен жылдың сәйкес кезеңімен салыстырғанда 66,84 пайызға өскенін көрсетеді.
Жоғарыда аталған шекаралық станция арқылы өткен жүк пойыздарының тасымалдаған жүк көлемі болса, өткен жылмен салыстырғанда 73,52 пайызға артып, 268,8 мың тоннаға жетті. Бұл тауарлардың импорттық және экспорттық құны 4 миллиард 350 миллион юаньнан (673 миллион доллар) асады.
Басқа жағынан Қытайдың азаматтық авиация секторында тасымалданған жүк көлемі қаңтар айында өткен жылдың сәйкес кезеңімен салыстырғанда 10,5 пайыз артып, 669 мың тоннаға жетті. Қытай Азаматтық авиация басқармасының (CAAC) мәлімдемесіне сәйкес, Қытайда ішкі және халықаралық бағыттар бойынша жүзеге асырылатын әуе жүк тасымалының тұрақты өсу үрдісі байқалды.
Мәліметтер жүк ұшақтарымен тасымалданған жүк көлемінің қаңтар айында өткен жылдың сәйкес кезеңімен салыстырғанда 67,7 пайызға артып, жалпы 281 мың тоннаға жеткенін көрсетті. Халықаралық бағыттағы әуе жүк тасымалы 24,7%-ға өссе, 3 ай қатарынан өсті. Ішкі бағыттар бойынша тасымалданған жүк көлемі, керісінше, 2019 жылдың желтоқсан айынан бері жыл сайынғы алғашқы оң өсуді тіркеді.
Дереккөз: Қытай халықаралық радиосы
Бірінші болып пікір айтыңыз