Қытайда пойызбен тасымалданған жүк көлемі экономикалық белсенділік қайтадан тұрақты түрде көтерілген қаңтарда жаңа рекордты жаңартты.
China State Railway Group Co., Ltd. (Қытай темір жолы) деректеріне сәйкес, биылғы қаңтарда теміржол арқылы барлығы 324 миллион тонна жүк тасымалданған. Бұл өткен жылдың сәйкес айымен салыстырғанда 11,8 пайызға артқан.
Ал электр энергиясы өндірісіне бөлінетін тасымалданатын көмір көлемі өткен жылмен салыстырғанда 23 пайызға артып, 120 миллион тоннаға жетті. Темір жол көлігімен тасымалданатын жүк көлемі экономикалық қызметтің маңызды көрсеткіші болып саналады. Сарапшылар мұны Қытай экономикасының биылғы жылы тезірек қалпына келу кезеңіне кіргенінің көрсеткіші ретінде бағалайды. Өткен жылдың соңғы үш айында Қытай экономикасы күшті секіріс жасап, 2,3 пайызға өсті. Шындығында, Қытай экономикасы пандемия өршіп тұрған 2020 жылы әлемдегі оң өсімге ие жалғыз экономика ретінде ерекшеленді.
Дереккөз: Қытай халықаралық радиосы
Бірінші болып пікір айтыңыз