Қытайдың Тибет автономиялық аймағының алғашқы жүрдек пойызы 1 шілдеде жұмысын бастайды. Қытай мемлекеттік теміржол тобының басқарма төрағасы және Қытай халық жиналысының өкілі Лу Дунфу Синьхуа агенттігіне берген сұхбатында «Фусин» деп аталатын жүрдек пойыздар Тибеттің орталық Лхссасына жалғасатын 435 шақырымдық теміржолда қызмет көрсететін болады.
Тибеттің шығысындағы Нинчи мен Лхас қаласын байланыстыратын темір жол құрылысы 2014 жылы басталған. Сөз болып отырған темір жолды салған Тибет темір жолының мәліметі бойынша, теміржолдың жобалық жылдамдығы сағатына 160 шақырым болады. Лу Дунфу Қытайда жұмыс істей бастаған теміржол ұзындығының 2020 жылдың соңына қарай 37 мың 900 шақырымға жеткенін, 2025 жылы бұл санды 50 мың шақырымға жеткізудің мақсат етілгенін айтты.
Лу сонымен қатар 500 мың халқы бар қалалардың 98 пайызының жоғары жылдамдықты теміржол желісіне қосылатынын атап өтті. Толығымен Қытайдың өз ресурстары есебінен жасалған фусин пойыздары сағатына 160 пен 350 шақырым аралығында жүреді.
Дереккөз: Қытай халықаралық радиосы
Бірінші болып пікір айтыңыз