Ресей Федералдық ғарыш агенттігінің (Роскосмос) директоры Александр Блошенко Айға болашақ миссиялардың бір бөлігі ретінде өздерінің басқарылатын ғарыш аппараттарын ұшыру үшін Қытайдың аса ауыр зымыран тасығышын пайдалануды жоспарлап отырғандарын хабарлады.
Александр Блошенко Қытай мен Ресей аса ауыр зымыран тасығыш пен басқарылатын ғарыш аппараттарын біріктіру туралы ауызша келісімге келгенін мәлімдеді.
Интерфакс агенттігінің хабарына қарағанда, Александр Блошенко Роскосмос пен Қытай Ұлттық ғарыш басқармасы (CNSA) ауызша келісімге келгенін жариялағанымен, келісімге қашан қол қойылатынын нақтыламады. Спутниктің хабарына қарағанда, Александр Блошенко «Енисей» деп аталатын аса ауыр тасығыш зымыран мен Айға ұшуға дайындалған «Орел» ғарыш кемесі, Қытайдың жаңа буын ауыр тасығыш «Лонг Марш-9» зымыраны мен жаңа буын адам басқаратын зымыран тасығышына тоқталды. «Енисей» аса ауыр зымыран-тасығышы мен «Орел» басқарылатын ғарыш кемесі алғаш рет 2028 жылы ұшырылады деп жоспарлануда. Бұрынғы Кеңес Одағы ғарышқа ғарышкерлерді жіберген бірінші мемлекет болды. Дегенмен, Айға адамды жіберуде ешқандай серпіліс болған жоқ. Ресей 2030 жылға дейін Айға топ жіберуді жоспарлап отыр.
Дереккөз: Қытай халықаралық радиосы
Бірінші болып пікір айтыңыз