Қытайда ұлттық қорғаудың ең жоғары деңгейі болып табылатын барыстардың саны артып келеді. Цинхай провинциясында өмір сүретін барыстардың саны 1200-ге жетті деп есептейтіндерін айтқан Шаншуй табиғатты қорғау орталығының басшылары Чжао Сян Саньцзянюань аймағында орнатқан 800 инфрақызыл камераның бүгінге дейін 100 мыңға жуық суретке түсіргенін айтты. Түсірілген фотосуреттерді зерттегеннен кейін осы уақытқа дейін аймақта кем дегенде 400 жеке қар барысы анықталғанын айтқан Чжао: «Санцзянюаньдағы қар барыстарының таралу тығыздығы әлемдік орташа деңгейден жоғары. Сонымен қатар, бұл аймақ әлемдегі барыстың ең маңызды мекеніне айналды.
Жабайы табиғатты қорғау бөлімінің басшысы Чжан Ю өз мәлімдемесінде бүгінгі күнге дейін жүргізген зерттеулерінің нәтижесінде Цинхайдағы барыстардың саны 1.200-ге жуық деген қорытындыға келгендерін айтты.
Қар барыстары Қытайдағы ұлттық қорғауға алынған ең жоғары түр болып табылады және оны Халықаралық табиғатты қорғау одағы «жақын болашақта жойылып кету қаупі бар түрлерге» қосты. Әдетте Гималайда, 2-ден 500 метрге дейінгі биіктікте кездесетін барыстар сонымен қатар Тибет, Сычуань, Шыңжаң, Ганьсу және Ішкі Моңғолияның таулы аймақтарын тіршілік ету ортасы ретінде пайдаланады.
Бірінші болып пікір айтыңыз