Пәкістанда 14 маусымнан бері жалғасып келе жатқан муссондық жаңбыр салдарынан су тасқыны мен көшкіннен қаза тапқандар саны 1061-ге жетті. Пәкістанның табиғи апаттарды басқару жөніндегі ұлттық агенттігінің (NDMA) мәліметінше, елде соңғы 24 сағатта 119 адам қаза тауып, 71 адам жарақат алған. Елімізде 14 маусымнан бері жалғасқан толассыз жауын салдарынан қаза тапқандар саны 1061-ге жетіп, 1575 адам жарақат алған.
AA мәліметінше, нөсер жауын салдарынан 149 көпір қирап, 3 шақырым тас жол зақымданған. Зақымданған 451 мың 992 үйдің 871 мың 287-сі толығымен қираған. Құрылған көмек лагерьлерінде 412 мың 498 адам пана болса, құтқарылғандар саны 442 мың 51-ке өсті. Ал 275 мың 719 ауыл шаруашылығы малдары қырылып қалды.
Geo News телеарнасының хабарына қарағанда, Хайбер-Пахтунхва провинциясының Жоғарғы Дир аймағында орналасқан Кумрат алқабында толассыз жауған жаңбыр мен су тасқыны салдарынан 30 студент тығылып қалды. Ылғалды жерде ұйықтауға тырысқандарын, тамақтары мен сусындарының таусылғанын айтқан студенттер биліктен құтқаруды сұрады. Шенеуніктер ауа-райы жақсарған соң құтқару жұмыстарын бастайтынын хабарлады.
Бірінші болып пікір айтыңыз