Әлемдегі ең ірі электромобиль өндірушісі Tesla Қытайдағы зауытында 1 миллионыншы көлігін шығарды. 2019 жылы Шанхайда өндірісін бастаған Тесланың «гига фабрикасы» компанияның динамосы болып қалуда. Көптеген аймақтарға, әсіресе Еуропаға, сондай-ақ Қытайдың ішкі нарығына экспорт жасайтын «гига фабрикасы» үш жылда 1 миллион көлік шығарды.
Компания мәлімдемесінде Шанхайдағы өндіріс орны үш жылда 1 миллион көлік шығару арқылы межеге жеткені баса айтылды. Тесланың АҚШ-тан тыс алғашқы өндіріс орны болып табылатын Шанхай зауытының өнеркәсіптік орналасу көрсеткіші 99.9 пайызды құрайды.
Tesla China мәліметтеріне қарағанда, компания үшін маңызды орталық болып табылатын зауыт осы жылдың алғашқы алты айында 300 мың көлік шығарып, 97 182 көлік экспорттаған. Өткен жылдың сәйкес кезеңінде экспорт көлемі 41 мың болды. Жылдың алғашқы кезеңдерінде Ковид-19 індетіне байланысты өндірістің үзілуіне қарамастан, зауыт маусым айында рекордты жаңартып, жылдық 177 пайыздық өсіммен 77 938 көлікті жеткізді.
Бірінші болып пікір айтыңыз