«Тяньчжоу-6» ғарыштық жүк көлігі мамыр айында ғарышқа жіберілетіні хабарланды. Қытай адам басқаратын ғарыш агенттігі (CMSA) жасаған мәлімдемеде «Тяньчжоу-6» ғарыштық жүк көлігінің қажетті зерттеулер аяқталғаннан кейін кеше елдің оңтүстігіндегі Хайнань провинциясындағы Вэнчан ғарыш аппаратының ұшыру орталығына жеткізілгені атап өтілді.
«Тяньчжоу-6» жүк көлігі ғарыш стансасындағы тайконавттарға скафандр мен басқа да керек-жарақтарды, сонымен қатар техникалық қызмет көрсету бөлшектерін, қолданбалы жабдықты және ғарыш станциясына отын жеткізеді.
Ғарыш стансасындағы «Шэньчжоу-15» экипажының денсаулығы жақсы, олар маусым айында Жерге оралады деп күтілуде. Келесі екі ғарыштық миссияға тайконавтар таңдалып, қазір оқу-жаттығуда жүргені хабарланды.
Тяньчжоу-6-мен қатар Қытай биыл «Шэньчжоу-16» және «Шэньчжоу-17» басқарылатын ғарыш миссияларын ұшыруды жоспарлап отыр.