Грекияның Темпи аймағында жүк пойызы мен жолаушылар пойызы соқтығысқан қайғылы оқиғада қаза тапқандар саны 57-ге жетті.
Грекияның Лариса қаласының солтүстігіндегі Темпи аймағында жүк пойызы мен жолаушылар пойызының бетпе-бет соқтығысуы нәтижесінде орын алған апатта адам шығыны артты. Лариса сот медицинасы қызметінің басшысы Рубини Леонтари пойыз апатында қаза тапқандар санының 57-ге жеткенін мәлімдеді. Грекияның өрт сөндіру бөлімінің соңғы мәлімдемесіне қарағанда, 56 жолаушыдан әлі хабар жоқ.
Қиын жағдайда жалғасқан іздестіру-құтқару жұмыстарының аударылған үшінші вагонға бағытталғаны айтылып, іздестіру-құтқару жұмыстарының ертең аяқталатыны айтылды.