Қытайдың Адам ресурстары және әлеуметтік қамсыздандыру министрлігі 100 күндік жұмысқа орналастыру науқанын бастады. Осылайша, жоғары оқу орнын жаңа бітірген жастарға жұмыс орны ашылады. 10 миллионнан астам жұмыс орнын құру науқаны жоғары сұранысқа ие фармацевтика, ақпараттық технологиялар, жоғары сапалы өндіріс және қоршаған ортаны қорғау сияқты негізгі салалардағы жұмысқа орналасу мүмкіндіктеріне назар аударады.
Аталған науқан сонымен қатар оқу орнын бітірген түлектер көп және жұмысқа сұраныс жоғары аймақтарда жұмыспен қамту жәрмеңкелерін ұйымдастыруға да жол ашады. Екінші жағынан, министрліктің, жұмыспен қамту қызметтерін жеткізушілердің, салалық қауымдастықтар мен бастамалардың қатысуымен әртүрлі онлайн платформалар құрылады. Олар нақты уақыт режимінде жұмыс орындары туралы ақпаратты жариялайды және тікелей жұмыспен қамту жәрмеңкелерінен хабар таратады. Қытайдағы еңбек нарығының деректеріне сәйкес, биылғы жылы 11,58 миллион жаңа түлек еңбек нарығына шығады.