Ресми деректер Қытайдың электронды байланыс құрылғыларын өндіру секторының жандану жағдайында секторға негізгі капитал ретінде салынған инвестициялардың 2023 жылы алдыңғы жылмен салыстырғанда 9,3 пайызға өскенін көрсетті. Индустрия және ақпараттық технологиялар министрлігі бұл өсімнің жалпы Қытай өнеркәсібіндегі өсу қарқынынан 0,3 пайызға жоғары екенін хабарлады.
Қарастырылып отырған сектордың ірі компанияларының өнеркәсіптік қосылған құны өткен жылы 3,4 пайызға өсті. Тек желтоқсанды есептегенде, бұл сан 2022 жылдың сәйкес айымен салыстырғанда 9,6 пайызға өсті.
Министрлік деректеріне қарағанда, негізгі өнімдердің қатарында ұялы телефон өндірісі жыл сайын 6,9 пайыздық өсіммен 1,57 миллиард данаға жетті. Олардың ішінде шамамен 1,14 миллиард смартфондар болса, олардың жылдық өсімі 1,9 пайызды құрады.