Дүниежүзілік зияткерлік меншік ұйымы (WIPO) Патенттік ынтымақтастық туралы келісімге (РСТ) өтінімдер экономикалық белгісіздіктердің артуына байланысты 2023 жылы шамамен 1,8 пайызға төмендейтінін хабарлады. ДЗМҰ 2023 жылға арналған халықаралық патенттерге, тауарлық белгілерге және дизайнға өтінімдер бойынша статистикалық мәліметтермен бөлісті.
2023 жылы Қытай мен Америка Құрама Штаттары халықаралық патент жүйесінің екі ең үлкен пайдаланушысы ретінде позицияларын сақтап қалғанымен, трансшекаралық патенттік өтінімдердің жалпы төмендеуі байқалды. Патенттік өтінімдер он жылдан астам уақыт ішінде алғаш рет азайғанымен, Үндістан, Түркия және Оңтүстік Кореядан патенттік өтінімдер үшінші жыл қатарынан өсті.
2023 жылы Huawei (Қытай), Samsung (Оңтүстік Корея) және Qualcomm (АҚШ) WIPO халықаралық патенттік жүйесін ең белсенді пайдаланушылардың қатарында болды. Өткен жылы орын алған экономикалық белгісіздіктерден кейін 14 жыл ішінде алғаш рет патенттік өтінімдердің азаюы ерекше таңқаларлық жағдай ретінде атап өтілді.
Қытай 2022 жылмен салыстырғанда 0,6 пайызға азайып, 69 мың 610 РСТ өтінішін жасап, ең көп өтініш берген ел болуды жалғастырды. Дегенмен, 2002 жылдан бері алғаш рет жыл сайын патенттік өтінімдердің азаюы байқалды. АҚШ 55 мың 678 өтінішпен екінші орынды иеленді, бірақ 2022 жылмен салыстырғанда өтініштер санында 5,3 пайызға азайған.
Түркия 14 орын
Әлемдік патенттік өтінімдер азайса, Түркияның патенттік өтінімдері өсті. Нәтижесінде Түркия 2023 жылы барлығы 921 халықаралық патент өтінімімен 14-ші орында болды. 14 жылдан бері алғаш рет орын алған бұл жаһандық құлдыраудың уақытша болуын күткен мекеме рейтингіне сәйкес Түркия патенттік өтінімдерді арттырған елдердің қатарында болды.
ДЗМҰ бас директоры Дарен Тан жоғары пайыздық мөлшерлемелер мен экономикалық белгісіздік 2023 жылы инновациялық қызметке көлеңке түсіретінін айтты. Танг 2024 жылға арналған инфляция болжамының ықтимал төмендеуіне қоса, Үндістандағы, Оңтүстік-Шығыс Азиядағы және басқа да белсенді аймақтардағы бизнес сенімінің артуы мен инновациялық инвестициялар экономиканы қалпына келтіруге жол ашуы мүмкін екенін атап өтті.
Патент өтінімдерінің азаюының қысқа мерзімді екеніне назар аударған Танг:
«Ұзақ мерзімді тенденциялар жаһандану және цифрландыру экономикаларында зияткерлік меншікті пайдалану тұрақты түрде өсіп келе жатқанын және әртүрлі елдердің экономикасы дамыған сайын бүкіл әлемге таралып жатқанын көрсетеді».