«Auto China 2024» деп те аталатын 2024 Бейжің халықаралық автосалоны 25 сәуірде есігін ашты. Жәрмеңке ұсынылған озық технологиялар мен салалық трендтердің арқасында әлемдік автомобиль өнеркәсібінің назарының орталығына айналды.
Жәрмеңкеге барлығы 117 жаңа үлгідегі көліктер шығарылып, рекорд жаңарған. Мыңға жуық автокөлік көрмеге қойылған жәрмеңке аумағында 278 жаңа энергетикалық көлік моделі таныстырылды. Бұл сан алдыңғы жәрмеңкемен салыстырғанда 70 пайызға артқан. Көрсетілген жаңа көліктердің 80 пайыздан астамы жаңа энергетикалық модельдер болды және жәрмеңкеге 20-ға жуық жаңа энергетикалық бренд алғаш рет қатысты.
Жәрмеңкеге автомобиль компанияларынан бөлек Қытай, АҚШ, Германия, Франция, Жапония сияқты 13 елден 500-ден астам танымал отандық және шетелдік қосалқы бөлшектер шығаратын компаниялар қатысты.