Ресейде жолаушылар пойызы мен жүк пойызы соқтығысты: Мәскеудің оңтүстік-батысынан жолаушылар пойызы мен жүк пойызы соқтығысты. Оқиға Наро-Фоминск облыс орталығына жақын жерде Бекасово-Нара темір жолында болды. Алдын ала мәлімет бойынша, кем дегенде алты адам қаза тауып, 45-ке жуық адам жарақат алды. Зардап шеккендердің 25-і ауруханаға жатқызылды. Бесеуі ауыр халде жатыр.
Оқиға кезінде жолаушылар пойызы Мәскеуден Молдованың Кишинев қаласына бара жатқан. Мәліметтерге қарағанда, жүк пойызының рельстен шығып кеткен вагондары өтіп бара жатқан жолаушылар пойызына соғылған болуы мүмкін.
Оқиға орнына барған құтқарушылардың айтуынша, қаза болғандар мен зардап шеккендер саны артуы мүмкін, себебі төңкерілген жолаушылар көлігін контейнер жауып тастаған. Контейнер жолаушылар вагонында. Құтқару жұмыстары жалғасуда.
Бірінші болып пікір айтыңыз