Иран мен Әзірбайжан темір жол құрылысына несие бөлуге келісті: Иран мен Әзірбайжанның халықаралық банкі (ХБА) Рашт-Астара темір жолының құрылысына 500 миллион доллар несие бөлуге келісті.
Иранның Көлік және урбанизация министрінің орынбасары Әли Нұрзадтың айтуынша, қазір тараптар несиенің қосымша шарттары бойынша келіссөздер жүргізіп жатыр.
Нұрзад: «Әзербайжанның Экономика министрі Шахин Мұстафаев мамыр айында Иранға сапары барысында Газвин-Решт-Астара теміржолының құрылыс жұмыстарымен танысты. Біз қазір Решт-Астара учаскесінің құрылысы бойынша ынтымақтасудамыз. Әзірбайжанның халықаралық банкі жобаны жүзеге асыру үшін 500 миллион доллар несие береді. Бұл мәселе бойынша уағдаластыққа қол жеткізілді, несиенің қосымша мәліметтері бойынша келіссөздер жүргізілуде».
Газвин-Решт темір жолының 93 пайыз аяқталғанын және 2017 жылдың наурыз айына дейін пайдалануға берілетінін білдірген Нұрзад барлық теміржол жобаларының қажетті шетелдік инвестициямен 3-4 жыл ішінде аяқталатынын атап өтті.
Еуропа мен Орталық Азияны Парсы шығанағымен байланыстыратын Газвин-Решт-Астара теміржол желісі де салынатын Астара (Иран) - Астара (Әзербайжан) темір жол көпірімен Кавказ аймағына қосылады. Жоба Солтүстік-Оңтүстік көлік дәлізінің маңызды бөлігіне айналады.
Дерек көзі: tr.trend.az
Бірінші болып пікір айтыңыз