Таиландтың Пхетчабури қаласындағы вокзалда болған оқиға көргендерді таң қалдырды. Қауіпсіздік камералары сәт сайын түсіріп алған кадрларда жас жігіт вокзалға жақындап келе жатқан пойыздың алдынан секіреді. Екі түрлі камерадан түсірілген суреттерде пойыздың ер адамның үстінен өткені, бірақ пойыз тоқтағаннан кейін ер адамның пойыз астынан қашып кеткені көрінеді.
Станцияға келген медициналық бригадалар пойыздың астында қалған ешкімді таба алмады. Полицейлер жүргізген іздестіру жұмыстарының нәтижесінде табылған азамат Вирачай Нисайра есімді 23 жастағы жұмыссыз жігіт екені белгілі болды. Жергілікті тұрғындардың көбі жас жігіттің сол маңды кезіп жүргенін көргендерін айтты.
Полицейлердің қолына түскен соң ауруханаға жеткізілген жас жігіттің денесінде сызат та жоқ екені анықталды.
Бірінші болып пікір айтыңыз