Түркия келесі жылы мемлекеттік инвестицияға 85 миллиард лира жұмсайды.
Түркия соңғы он жылда үлкен жобаларды жүзеге асыруға кірісті. Іске асырылған жобалардың арасында Еуразия туннелі, Явуз Сұлтан Селим көпірі және Мармарай сияқты маңызды көлік құралдары бар.
Ағымдағы жобалардың қатарында Ыстамбұлдағы қала маңындағы желілер, Үлкен Стамбул туннелі және Үшінші әуежай сияқты алып жобалар бар. Түркияда мемлекеттік инвестицияға жұмсалатын қаржы үнемі артып келеді. Сәйкесінше, өткен жылы инвестицияға бөлінген үлес он пайызға өсті. Биылғы жылы мемлекеттік инвестицияларға бөлінген үлес жетпіс жеті миллиард алты жүз миллион лираға жетті. Келер жылы бұл соманы сексен бес миллиард жүз миллион лираға жеткізу көзделуде. 2002 жылғы жалпы бюджетпен салыстырғанда мемлекеттік инвестициялардың үлесі 6,6% құрады. Жаңа жылмен бұл үлес 11,2 пайызға дейін артады.
Негізінен тасымалдауға арналған жобаларда автомобиль жолдары ең көп салынған тармақты құрады. Сәйкесінше, 2003 жылы бір мың жеті жүз он төрт шақырым болатын тас жолдар бүгінде екі мың алты жүз жиырма екі шақырымға дейін ұлғайды. Бөлінген тас жол құрылысының көлемі жиырма үш мың төрт жүз он бес шақырымды құрайтыны есептелді. 2003 жылдан бері жалпы ұзындығы елу шақырым сексен үш тоннель салынса, виадуктер саны бес мың тоғыз жүзден сегіз мыңға дейін өсті.
Дерек көзі: www.ekonomihaber.com
Бірінші болып пікір айтыңыз